VANDERBIJLPARK – Die twee pogings sluit in die grootste hoeveelheid pannekoek op een slag, met ‘n teiken van 30 000 porsies.

Die tweede poging is die grootste porsie chilli con carne, met ‘n beplande 3 000kg wat op die perseel voorberei gaan word.

Dit vind weer by die Emerald Resort & Casino plaas, en daar lê ‘n hele rits vertonings voor deur van die land se gewildste kunstenaars.

Die hekkie maak om 10:00 oop en die eerste vertoning is om 11:00.

Vertonings deur onder meer Die Heuwels Fantasties, Demi Lee Moore, Droomsindroom, Kurt Darren, Karlien van Jaarsveld, Irene-Louise van Wyk, Refentse en Adam Tas.

“Geleenthede soos Rocking the Vaal herinner ons aan hoekom tradisies belangrik is,” sê Kurt Darren.

“Dis tydens ‘n dag soos die dat herinneringe gemaak word, en ek is opgewonde om in 2026 deel van daardie ervaring te wees.”

Met sy voortgesette klem op deelname en vermaak word verwag dat Rocking the Vaal 2026 gesinne, gemeenskapsgroepe en besoekers van regoor Gauteng en verder sal lok.

Hier is so ‘n paar dinge om in gedagte te hou vir môre:

Water: Dit help altyd om ‘n bottel water byderhand te hê tussen al die feeskos deur.

Sonbeskerming: Die son kan warm word in Afrika, so onthou die sonbrandroom en ‘n hoed.

Gemaklike skoene: Op ‘n feesterrein stap mens gewoonlik baie meer as wat jy besef.

Van die kunstenaars wat op die verhoog gaan wees. Foto’s verskaf deur The Marketing Zoo: