VAALPARK – Die Aprilvakansie is tradisioneel die een vir rugby- en netbaltoere voordat amptelike ligaseisoene aanbreek.
Vaalpark Primêr se rugbyspanne het aan die 10de Jordania-Witteberg rugbytoernooi die Primêre Skool Jordania in Bethlehem deelgeneem.
Die toernooi is van 30 Maart tot 2 April gehou. Saam met Vaalpark Primêr en Jordania was daar spanne van Laerskool Lichtenburg, Laerskool Wonderboom, Laerskool Stephanus Roos, Welkom Volkskool, Laerskool Parys en Noordskool by die toernooi betrokke.
Op hul Facebookblad het Vaalpark Primêr gesê: “Ons is veral trots om te deel dat ons 1ste span onoorwonne deur die toer gegaan het. Dit is ‘n besonderse prestasie wat hul harde werk en toewyding weerspieël.”
Die skool beskou die toer elke jaar as ʼn hoogtepunt op hul rugbykalender omdat dit geleenthede skep vir groei, spanbou en kompetisie.
