VANDERBIJLPARK – Saterdagmiddag het die son nog sekuur korrel gevat as mens dit te lank buite gewaag het.

Sondagoggend was redelik warm. Rondom middagete het die wolke saamgepak en die een reënbui na die ander het oor die dorp uitgesak.

Nie aldag dat die Hoëveld in Herfstyd sulke lekker buie reën kry nie. Pure genade water.

Waar die temperature die afgelope week nog aan 30°C gehap het, lyk dit asof dit in die volgende 10 dae heelwat koeler gaan wees.

Donderstorms word vir Maandag en Vrydag voorspel.

Die maksimum temperature vir die week is as volg: Maandag (18°C), Dinsdag (22°C), Woensdag (20°C), Donderdag (23°C), Vrydag (21°C) en Saterdag (22°). Dis volgens Google Weather.

Dalk tyd om die wintersklere so stadig maar seker nader te bring.