VANDERBIJLPARK – Die Hoërskool Transvalia se fietsryers is besig om opgang te maak. Die mees onlangste prestasie is die van Shanique Marx. Sy het aan een van die Gauteng-span se seleksie Criterium Racing-byeenkomste deelgeneem en uitstekend gevaar 

Volgens Hoërskool Transvalia se Facebookblad het sy eerste gekom in die junior meisies-afdeling en vierde algeheel onder die vroue.

Die Facebookblad verduidelik die wedrendag soos volg: “Kriteriumwedrenne, waar deelnemers op padfietse kort rondtes teen ’n hoë tempo voltooi, vereis uitstekende tegniese vaardighede en deursettingsvermoë. Dit maak hierdie tipe wedren uiters uitdagend en mededingend.

“Die roetes wissel gewoonlik tussen 4 en 6 km per rondte, en tydens Sondag se wedren moes Shanique 11 rondtes voltooi — ’n indrukwekkende prestasie!”