VANDERBIJLPARK – Die Aquadome by die Tsogo Sun Emerald Resort in Vanderbijlpark is Vrydagaand, 28 Augustus, in ’n neon-paradys tydens die Splash & Glow-geleentheid omskep.
Ouers en kinders het aan verskeie aktiwiteite deelgeneem, met die binnenshuise waterpark as die agtergrond vir ’n aand van speletjies, musiek en vermaak.
Die program het onder meer neon-gesigverf, gloeispeletjies, ’n kristalsoektog, danskompetsies en ’n kompetisie vir die beste geklede deelnemer ingesluit.
Kinders kon ook Avatar-karakters ontmoet en die kos- en lekkernystalletjies besoek. Daar was ook ‘n fotohoek en fotohok waar die besoekers lekker sosiale foto’s kon laat neem en druk.
Besoekers is aangemoedig om wit of neonklere te dra, wat tot die kleurvolle atmosfeer in die Aquadome bygedra het.
Splash & Glow was deel van Tsogo Sun Emerald Resort se vermaaklikheidsprogram en met die somer om die draai gaan daar nog baie lekker aktiwiteite hier plaasvind.
