WALKERVILLE. – Dit volg na die tragiese dood van Sheba, ‘n tierwyfie wat in Januarie van ’n kleinhoewe in Walkerville ontsnap het, en ’n paar dae later deur haar eienaar van kant gemaak is nadat sy verskeie diere en ’n mens aangeval het.

Bewusmaking is tydens die rit geskep rondom diere wat op ’n soortgelyke wyse aangehou word en fondse is ook tydens die rit ingesamel vir Four Paws, ’n dierewelsynsorganisasie.

Die organiseerder, Guy Mylchreest, stigter van die 45’s-motorfietsklub in Suid-Afrika, sê hy is beïndruk met die hoeveelheid bikers wat opgedaag het.

“Ons het ‘n groot lawaai gemaak en ons teenwoordigheid laat voel,” vertel hy.

Mylchreest sê hoewel hulle gehoop het om meer geld in te samel besef hulle dat dit tans maar swaar gaan met die land se ekonomie.

“Die mense het gegee wat hulle kon, uit hul harte uit,” sê hy.

Kos is ook tydens die motorfietsrit vir ‘n plaaslike skuiling vir diere ingesamel.