VANDERBIJLPARK – NND-park was vanmiddag in rep en roer nadat die eerste rugbyspan van die HS Transvalia op sy tuisveld vir Dr. EG Jansen met 39-26 geklop het.

Die kragmeting in die SDC Noordvaal-bekerafdeling wat regstreeks op SuperSport Schools uitgesaai is, het aan alle verwagtinge voldoen.

Transvalia het met die sege al die Ongelowige Thomasse se monde gesnoer. Lloyd Greeff se span het gewys dat hy oor die skietgoed beskik om saam teen die grootmoondhede van skolerugby mee te ding.

Een van die span se wapens van massaverwoesting is sy seweflank, Daniel Kazambo wat ‘n barshou gespeel het en die opposisie na sy pype laat dans het. Sy fisieke spel is voorts met drie drieë beloon.

• Vir die volledige wedstrydverslag en nog prag aksiefoto’s van die kragmeting koop aanstaande week Vaalweekblad se gedrukte koerant.