MEYERTON – Die Midvaal Plaaslike Munisipaliteit is besig om sy misdaadbestrydingsnetwerk uit te brei met die hulp van ’n gevorderde kamerasisteem.

Burgemeester Peter Teixeira onlangs aangekondig dat nog sogenaamde ‘Sniper kameras’ by belangrike in- en uitgangsroetes in die gebied geïnstalleer is.

“Hierdie kameras help om kriminele aktiwiteite met intydse inligting (realtime) op te spoor en te monitor,” het die burgemeester in ’n Facebookplasing gesê.

“Ons is trots daarop dat ons saamwerk om Midvaal veilig te hou.”

Die nuwe kameras ondersteun bestaande pogings van die gemeenskapspolisiëringsforum en plaaslike wetstoepassers om misdaad vinnig en doeltreffend te beveg.

Midvaal se gebruik van tegnologie in misdaadvoorkoming is al voorheen geloof vir die bydrae wat dit lewer tot veiligheid in die gemeenskap.