Ankerskool wen naelbyt finaal
By die Ankerskool brand die vreugdevure hoog. Hul o15's het in die finaal hul teenstanders gewys waar Dawid die wortels begrawe het.
VANDERBIJLPARK – Die Ankerskool se o15’s het Saterdag die Hoërskool Voortrekker in die finaal van die Noordvaal Valke afdeling geklop.
Die eerste helfte het sleg begin vir die Anker en teen halftyd was hul 10-0 agter. Hul deursettingsvermoë en vegtersgees het in die tweede helfte na vore getree.
Met verbete mannemoed het hul, hul veg na die doellyn gevind en hul eerste drie aangeteken.
Die res van die wedstryd het op ʼn mespunt gebalanseer totdat die Anker in die doodsnikke van die wedstryd nog ʼn drie aangeteken het.
Daar is in die laaste minuut ʼn strafskop aan ons toegeken en hulle het gekies om pale toe aan te lê.
Die skop was nie daar nie, maar Voortrekker is gestraf omdat hul te vroeg gestorm het.
Die tweede poging het geslaag en toe was daar geen einde aan die vreugde nie. Die finale telling was 13-10 in die guns van Anker.
