VANDERBIJLPARK – Daar word altyd gesê een swaeltjie maak nie Somer nie. Maar Monique Reyneke Meyer is die uitsondering op die reël.

Sedert sy die leisels van NWU Vaal se netbalspan oorgeneem het, het die span van krag tot krag gegaan.

Dit kan mens sonder vrees vir weerspraak sê. Die span het vir die tweede opeenvolgende jaar in die USSA-toernooi na ‘n hoër afdeling opgeskuif en sal aanstaande jaar in die A Premier-afdeling kragte meet.