VANDERBIJLPARK – Wicus Brand, ’n graad 11-leerder van Hoërskool Driehoek, is vroeër vandeesmaand vir die tweede agtereenvolgende jaar aangewys as die Vaaldriehoek-skoleliga se top speler.

Brand is kaptein van die Vaaldriehoek se SA-skolespan wat in Oktober teen ander provinsiale skole spanne gaan deelneem. Hy het in April die Vrystaat se senior span verteenwoordig by die SA Premier IPT in Silver Lakes en is ook gekies as een van agt spelers wat in September die Vrystaat by die SA Country Districts in die Oos-Kaap gaan verteenwoordig.

Hy oefen daagliks by Heron Banks, waar hy deel is van die Scratch League en Junior League spanne.