VEREENIGING – Die eerste rugbyspan van die Vereeniging Rugbyklub het gistermiddag op sy tuisveld ‘n haas uit die hoed gepluk om Pirates in die doodsnikke van hulle Gold Cup kragmeting met 39-37 te klop.

Die besoekers het rustyd met 29-15 voorgeloop. Na die draaislag het Pirates sy voorsprong met nog ‘n drie gerek wat selfs die getrouste VRK-ondersteuner moes laat begin twyfel het.

Maar die tuisspan het weer karakter gewys en teruggeveg om wedstryd te beklink. Die klub se puntemasjien, Brandan Hewitt, was die groot held toe hy die wenskop in die doodsnikke digby die pale oorgeklits het.