RIVERSDAL – Inwoners van Wyk 13 in Midvaal kan uitsien na ’n feestelike Nuwejaarspartytjie.

Raadslid Gerrit Viljoen nooi die gemeenskap na die park in Chris Kotzestraat vir ’n “bring en braai” om die nuwe jaar te vier.

In ’n video wat aanlyn gedeel is, sê Viljoen: “Ons staan hier in ons parkie… Môreaand (31 Januarie) het ons ’n bring en braai hier in die parkie. Jy is baie welkom. Bring jou vleisie. Ons gaan hom vir jou braai. En daar is pap en sous ook. En baie worsbroodjies wat uitgegee gaan word. As jy nie het nie, dan kom jy in elk geval. Ons gaan vir almal kos gee!”