MEYERTON – Die eindfluitjie het gister vir Jan Bekker (73) een van die Vaaldriehoek se rugbylegendes geblaas toe hy aan ‘n hartaanval oorlede is.

Bekker, ‘n oud-inwoner van Meyerton, het op agtsteman sowat 95 wedstryde vir die destydse Vaaldriehoek gespeel. Volgens Bok Penning een van Bekker se spanmaats is dit nog vars in sy geheue hoe Bekker vir die Springbok Ray Mordt op Meyerton van die veld afgeduik het.

“Hy was ‘n briljante agsteman. Ek was agtien jaar oud toe ek my eerste westryd saam met hom gespeel het. Hy was my kaptein,” gee Penning te kenne.

Medelye stroom steeds op sosiale media in.