PRETORIA – Aletta Martha ‘Alta’ van Eck (75), ’n voormalige personeellid van Laerskool Pinedene in Vanderbijlpark, het op 8 April in die Gespesialiseerde Hof vir Kommersiële Misdrywe skuldig gepleit op aanklag van diefstal van R15.6m.

Die bedrag hou verband met fondse wat tussen Januarie 2013 en Desember 2020 uit die skool se bankrekeninge verdwyn het.

Volgens die Nasionale Vervolgingsgesag (NVG) is geen vorige veroordelings teen Van Eck bewys nie. Haar borgtog is dus verleng.

Die hof het ’n korrektiewe verslag sowel as ’n proefbeampteverslag aangevra vir die doeleindes van die voorvonnisverrigtinge.

Die saak is tot 2 Julie uitgestel vir vonnisoplegging.

Van Eck se eerste verskyning in verband met die saak was op 4 Julie 2025.