Pietie se mooi glimlag sal altyd onthou word
David Jacobus (Pietie) Pieterse sal onthou word vir sy diep geloof, humor, omgee vir ander en die mooiste glimlag.
VANDERBIJLPARK – David Jacobus (Pietie) Pieterse (89) was ‘n jarelange inwoner van die Vaaldriehoek en het diep spore getrap.
Hy het in 1962 die destydse TrustBank in Vereeniging geopen as takbestuurder. ‘n Paar jaar later was hy takbestuurder van die Sasolburg Trustbank-tak (nou ABSA).
Hy was vanaf 1976, saam met Koos Bekker die eienaar van die bekende Bekker en Pieterse Motors.
Na Bekker se afsterwe in 2004 het hy afgetree en saam met sy vrou Myrna die land platgereis. Hul gunsteling bestemming was die Kruger Nasionale Park.
Hy en Myrna het in 1960 getrou en was 65 jaar getroud. Hulle het die afgelope ses jaar by die Palms Aftreeoord in Vanderbijlpark gewoon.
Pietie se gesondheid het die laaste paar maande agter uitgegaan en is hy op 1 Mei in die Emfuleni Hospitaal na ‘n kort siekbed oorlede.
Hy word oorleef deur sy vrou Myrna, sy kinders Arends, Zurietta, Myrtle en Paul, asook vyf kleinkinders en agt agter kleinkinders.
