VANDERBIJLPARK – Die Laerskool DF Malherbe in die hart van die Vanderbijlpark het verlede week gegons met opgewondenheid toe die skool sy jaarlikse kaskarwedren aangebied het.

’n Lewendige karnaval-atmosfeer het op die terrein geheers met kleurvolle baniere, ‘n geskaterlag en die geur van heerlike verversings wat in die lug gehang het.

Leerlinge het in kreatief versierde kaskarre meegeding, elk met sy eie tema, helder kleure en span-gees wat sommer van ver af uitgestraal het. Dit was beslis vet pret.