VEREENIGING – ’n Man is in die vroeë oggendure van Saterdag in Vereeniging se sakekern gesteek.

Volgens CERT SA is nooddienspersoneel na die toneel ontbied. Met hul aankoms is die man in ’n kritieke toestand aangetref nadat hy na bewering tydens ’n rooftog ongeveer 11 keer gesteek is.

Die pasiënt is op die toneel gestabiliseer voordat hy dringend na ’n plaaslike hospitaal vir verdere behandeling vervoer is.

Sekuriteit Sonder Grense en Gauteng se provinsiale nooddienste het op die toneel gehelp en ondersteuning aan paramedici gebied.