’n Motorfietsryer is verlede Vrydagaand (15 Mei) ernstig beseer in ’n ongeluk in Vanderbijlpark.

Volgens die noodreaksiespan CERT Vaal het hul span omstreeks 22:00 na die toneel ontbied nadat die motorfietsryer glo beheer oor sy voertuig verloor het.

Met aankoms op die toneel is daar vasgestel dat die man ernstige beserings opgedoen het.

Hy is deur nooddienspersoneel op die toneel behandel en gestabiliseer voordat hy in ’n stabiele toestand deur ER24 na die naaste gesondheidsorgfasiliteit vervoer is.

Die omstandighede rondom die ongeluk word ondersoek.