VANDERBIJLPARK – Dit het vanmiddag soos ’n toeriste-aantreklikheid gelyk toe nuuskieriges nader gestroom het om water te aanskou wat meters hoog in Westinghouse Boulevard die lug in spuit.

Duisende liters water gaan tans verlore nadat ’n kontrakteur glo ’n hoofwaterpyp getref het.

Die water het reeds omstreeks 12:00 die lug in geskiet.

Hoewel munisipale werkers van die Emfuleni-plaaslike munisipaliteit (ELM) kort daarna op die toneel was, het die water steeds onverpoosd gespuit.

Teen die tyd dat Vaalweekblad die toneel omstreeks 14:30 verlaat het, kon die korrekte pyplyn of afsluitklep om die vloei te stop, steeds nie bepaal word nie.

ê