In die aanlyn-afdeling, waar foto’s bloot aanlyn ingeskryf en beoordeel word, was dit senior fotograaf Mietsie Visser se Calling my Sisters wat as wenfoto aangewys is.

In die ope-afdeling, waar enige foto ingeskryf kan word, was dit Chanel Enslin in die senior-afdeling (4, 5-ster en hoër graderings) wat met Waterway die wenner was. Die foto was ook die algehele wenfoto van die aand.

In die junior-afdeling (1 tot 3-ster) was Marisca Botha se Lyk ek soos ‘n taxi? die wenfoto, asook die algehele junior-wenfoto van die aand.

In die monochroom-afdeling was Johan Joubert die wenner met Moederliefde.

In die tema-afdeling (troeteldiere) was Eanette Maas die wenner met Op ‘n galop.

In die selfoon-afdeling was Chanel Enslin se Storm Approaching die wenfoto in die senior-afdeling, en Beatrice Jordaan se Whispers of Dawn die wenner in die junior-afdeling.

Al die wenfoto’s kan op die klub se webtuiste www.vdbp-photo.org besigtig word. Interessante artikels word ook gereeld op hierdie webtuiste gelaai.

Besoek ook ons Facebook-blad by https://www.facebook.com/VdbpPhotoClub waar daar wenke en foto’s opgelaai word.

Vir meer besonderhede oor die klub kan Johan Brits by 082 718 8394 of tsawa@yebo.co.za gekontak word.