VAALPARK – Twee van Primêre Skool Lumiére se personeellede is tot die laerskool Vrystaat krieketspanne gekies.

Skoolhoof Lihan Kriel is as keurder van die o11 Vrystaatspan gekies. Wikus Botha is die nuwe hoofafrigter en keurder van die o12A Vrystaatspan.

Die skool het op hul Facebookblad gesê: “Hierdie prestasies is ‘n bewys van julle passie vir krieket. Julle verteenwoordig nie net die Vrystaat met trots nie, maar is ook uitstekende rolmodelle vir ons jong spelers.

“Dankie vir alles wat julle vir Lumies en ons sportprogram beteken. Ons is ongelooflik trots om julle deel van die Lumie-familie te hê!”