VILJOENSKROON – ’n 40-jarige verdagte is deur lede van die Fezile Dabi-distrik se Trio-Dwelmspan in hegtenis geneem vir die besit van dwelms.

Volgens die Fezile Dabi-distrik se polisiewoordvoerder, sersant Josephine Rani, het die polisie Vrydag op inligting gereageer oor ’n verdagte wat na bewering by dwelmverwante aktiwiteite in die Marikana-gedeelte van Viljoenskroon betrokke was.

“Die operasionele span het na die geïdentifiseerde toneel gegaan en die verdagte deursoek. polisie  ’n Mandrax-tablet en sewe klein ritssluitersakkies met kristalmetamfetamien gevind,” het sy gesê.

“Die verdagte het in die Viljoenskroon-landdroshof op aanklag van dwelmbesit verskyn,” het sy afgesluit.