Warm beertjies maak harte warm
Solidariteit Helpende Hand Vanderbijlpark-tak reik altyd uit na ander. Gister was hul by Huis Siësta se Geheueversorgingseenheid.
VANDERBIJLPARK – Die inwoners van Huis Siësta se Geheueversorgingseenheid se Vrydag was spesiaal. ʼn Span van Solidariteit Helpende Hand Vanderbijlpark Tak het by die sentrum besoek afgelê.
Hulle het nie met leë hande opgedaag nie. Elke inwoner het ʼn handgebreide beertjie en kniekombers ontvang.
Huis Siësta se nuwe eenheid is nou vyf maande in gebruik en bied ʼn veilige en gerieflike hawe vir pasiënte met onder andere demensie en Alzheimer’s se siekte.
Solidariteit Helpende Hand Vanderbijlpark Tak is bekend daarvoor dat hul ‘n passie het om ‘n verskil te maak in bejaardes se lewens en geniet dit om tyd saam met die inwoners te spandeer.
Die span het nog vele projekte in die pyplyn vir die res van die jaar. Die grootste hiervan is sekerlik hul Kersrit wat hul beplan vir die aande van 11 en 12 Desember.
Hul het die projek onlangs op hul Facebook blad aangekondig. Indien jy belangstel om deel te wees van die konvooi of op ‘n ander manier betrokke te wees, sluit asseblief aan by die “Kersrit 2026 deur Helpende Hand Vanderbijlpark” WhatsApp groep by hierdie skakel. https://chat.whatsapp.com/HzaKbPhTaJV2jQvQeHS4RE
