VANDERBIJLPARK – Inamari van Dyk en Zoey Potgieter, albei graad 8-leerlinge aan die Hoërskool Driehoek het onlangs aan die Eskom EXPO vir Jong Wetenskaplikes deelgeneem.

Die EXPO is by die Universiteit van Johannesburg gehou en daar was 207 projekte. Zoey het ‘n goue medalje verwerf vir haar projek Updraught generator.

Dit het haar ook die toekenning besorg vir die beste ingenieursprojek. Zoey het in graad sewe vir die eerste keer aan die EXPO deelgeneem.

Sy is ‘n voormalige leerling van Laerskool Eligwa en wil graag eendag ‘n forensiese antropoloog word.

Inamari het ook goud verwerf vir haar projek, Reusing the waste heat in hybrid vehicles. Haar eerste EXPO was verlede jaar toe sy in Laerskool D.F. Malherbe was. Sy beoog om eendag ‘n chemiese ingenieur te word, waar sy wil spesialiseer in navorsing.