VANDERBIJLPARK – Drie van die plaaslike spanne het deurgedring tot die halfeindstryd van die Valke Merlinliga (NWU, Meyerton Knights en Sasolburg Cobras), terwyl Vereeniging-rygbyklub tot die finaal van die Valke Peregrineliga deurgedring het.

Valke Pergrineliga

VRK se eerste rugbyspan het Saterdag op sy tuisveld met Springs in die halfeindronde van die Valke Peregrine kragte gemeet. VRK het oortuigend met 45-10 gewen om sy plek in die eindstryd bespreek.

Die eindstryd van die Valke Pergrineliga vind op 15 Augustus teen Brakpan, op laasgenoemde se veld plaas.

Valke Merlinliga

NWU het sy plek bespreek deur Heidelberg met 26-22 te klop.

In die kragmeting tussen die Cobras en die Kinghts op laasgenoemde se tuiseveld, het die Knights met 39-20 geseëvier.

Die Knights kom dus op 15 Augustus in sy halfeindstryd teen die span van Heidelberg in Heidelberg te staan.

Die Knights se tweedes het ‘n uitstekende seisoen beleef. Die span het Saterdag met 36-9 met hul Cobra-teenstanders afgereken.

Die span kom op 22 Augustus in die finaal teen NWU by die Barnard-stadion te staan.

Die Sasolburg Cobras se eerstespan moes dalk die knie buig teen die Meyerton Knights, maar het steeds deurgedring tot die halfeindstryd van die Valke Merlinliga.

Die Cobras pak NWU op 15 Augustus by NWU.

Spring 7s Rugby Festival

Die Sasolburg-rugbyklub se Spring 7s Rugby Festival vind op 12 September plaas. Meer inligting is beskikbaar op die klub se Facebookblad.

Besighede en individue wat by die dag betrokke wil raak, is welkom om die klub te kontak. Borgskappe word steeds gesoek, en daar is ook nog stalletjies beskikbaar vir uitstallers.

Gholfdag

Verder word dié klub se jaarlikse hholfdag op 20 November by Heron Banks aangebied.

Meer besonderhede oor dié geleentheid sal binnekort bekend gemaak word.