VEREENIGING – Die liggaam van die vermiste ds. Hennie Louw (56) is Vrydag tydens ’n hervatte soektog in die omgewing van die R59-brug oor die Vaalrivier gevind.

Betroubare bronne na aan die soektog het die nuus aan Vaalweekblad bevestig.

Louw het vermis geraak nadat hy Dinsdagoggend, 25 Augustus, sy seun omstreeks 07:00 by die skool afgelaai het.

Sy voertuig is later dieselfde oggend verlate op die R59-brug tussen Vereeniging en Sasolburg gevind.

Polisieduikers en ander rolspelers het sedert Dinsdag na hom gesoek. Die duikers het Vrydag na die gebied teruggekeer en sy liggaam gevind.

*Hierdie is ‘n ontwikkelende storie. Verdere besonderhede word afgewag.