VANDERBIJLPARK –  Een van die Hoërskool Driehoek se kookwater jong krieketspelers, Keegan Van Aswegen is gekies vir die o14-Sedibengspan.

Dis die tweede jaar wat hy vir die Sedibengspan gekies is. Verlede jaar was Keegan deel van die o13 span. Keegan het reeds op laerskool geskitter in krieket en hierdie jaar het hy al heelwat welslae met die kolf behaal.

Driehoek sê: “Jou toewyding het jou tot hier gebring en hierdie is nog maar die begin van jou krieketreis. Ons is so trots op jou. Mag die Here jou talent verder ontwikkel, jou beskerm op die veld en jou elke keer herinner dat harde werk en geloof jou ver kan vat!”