Skenk bloed saam met AfriForum
AfriForum en die SANBD vat hande hierdie Saterdag om meer mense te kry om bloed en plasma te skenk. Word deel van die projek.
VANDERBIJLPARK – AfriForum Vanderbijlpark is op ʼn missie om soveel as moontlik bloedskenkers bymekaar te kry om Saterdag bloed te skenk.
Die groot bloedskenkdag vind op 12 September by die SANBS se Vaal Donor Centre langs Tyre Mart plaas van 10:00 tot 14:00.
AfriForum het in ʼn verklaring gesê:
“Ons is op soek na:
NUWE BLOEDSKENKERS – As jy nog nooit bloed geskenk het nie, maak 12 September jou eerste keer!
HUIDIGE BLOEDSKENKERS – As jy reeds bloed skenk, sê ons BAIE DANKIE! Kom skenk weer wanneer jy geregtig is om te skenk en help ons om ons bloedvoorraad sterk te hou.
PLASMASKENKERS – As jy reeds plasma skenk, of nog altyd wou begin, kom doen navraag en help ook op dié belangrike manier.
Elke skenker speel ’n belangrike rol. Of dit jou eerste skenking is, jou tiende skenking, of jy ’n gereelde plasmaskenker is – Jy kan iemand se lewe help red.
Ons weet almal is besig en tyd is kosbaar… maar vir iemand wat bloed nodig het, is jou skenking onskatbaar.
Moenie wag dat iemand anders gaan nie. Wees die iemand wat gaan.”
