Local newsNews
Nataniël weer in Sasolburg te sien
Maak gereed vir 'n middag van lekker lag, mooi musiek en goeie stories. Nataniël is weer op pad na die Etienne Rousseau Teater in Sasolburg.
SASOLBURG – Nataniël bring sy Nataniël in Concert na die Etienne Rousseau Teater (ERT) op Sondag, 1 November om 15:00.
Hy vermaak gehore al 39 jaar met sy spitsvondige stories, kostuums en musiek. Hierdie jaar se vertoning sluit van sy gewildste stories en liedjies uit sy verhoogproduksies in.
Volgens die ERT vang die vertoning die wese van Nataniël se spitsvondige humor en aangrypende emosionele diepgang vas. Die bekende en wêreldberoemde South African Steinway Artist, Charl du Plessis sal Nataniël weer op die ERT se manjifieke vleuelklavier begelei.
Kaalkop produkte en boeke sal tydens die geleentheid te koop wees. Bespreek jou kaartjies vandag nog hier.
At Caxton, every story is written by humans. We use AI only to perform quality checks - never to generate the news. Happy reading!
