VANDERBIJLPARK – Die Orion Voortrekkers het Saterdag besoek afgelê by die Rita Benecke agriprojek. Die projek is al etlike jare aan die gang en die groente wat hier geoes word is van uitstaande gehalte.

Alles is organies. Die Voortrekkers het met hope energie die dag aangedurf. Hulle het baie geleer oor organiese groentetuine. As deel van hul gemeenskapsdiens het hul ook ingespring en ywerig uiesaadjies en nuwe spinasieplantjies geplant.

Die groep het die dag baie geniet en daar mag dalk net ‘n groenteboer of twee uit hul geledere opstaan.