VEREENIGING. – Die Vereeniging Sportklub het Saterdagaand 5 Oktober sy top sportlui in verskeie sportsoorte tydens ’n prysuitdelingsfunksie by Biekiebos, ’n onthaalplek tussen Vereeniging en Meyerton, vereer. Dié klub is ’n oorhoofse sportklub wat op 29 Junie 1979 gestig is en vandag uit verskeie onderlinge sportklubs soos die Vereeniging Hokkieklub, Vereeniging Ringbalklub, Vereeniging Krieketklub en die Vaal Atletiekklub bestaan. Die klub het volgens Joe Viljoen, president van …
HOKKIE BOKKIES: Die vroue hokkiespan van Vereeniging Hokkieklub, wat vanjaar weer tot die Vaal Sportklub toegetree het, het 15 van 16 wedstryde in die Suid-Gauteng-
liga gewen. Die span, wat op die Dick Fourie-stadion se grasvelde oefen maar die meeste van hul wedstryde op astro turf speel, het die seisoen 71 doele aangeteken
en slegs 8 doele afgestaan. Hulle het ‘n gemiddeld van 8.2 doele per wedstryd aangeteken. Die span sal na afloop van hul uitstekende seisoen volgende jaar na ’n
hoër liga skuif. Voor van links is Michael Nel (afrigter), Cornel Harley, Sian Cooper en Veruschka Barnard. Agter van links: Elsa van der Walt (voorsitter en mede-afrigter),
Bianca Muller, Natasha de Lange, Yolandi Davel, Bianca Holtzhausen, Sheriza Keeve, Wilmie Hulley, Nicaela Welman, Samantha Coetzee, Sherise Smal en Angelique
Venter. Afwesig: Alicia van Deventer, Kriekie van Deventer, Jeanne-Marie van der Walt, Jessica Fouché, Denise Hulley en Bianca Putter. Foto’s: Christiaan Cloete
VEREENIGING. – Die Vereeniging Sportklub het Saterdagaand 5 Oktober sy top sportlui in verskeie sportsoorte tydens ’n prysuitdelingsfunksie by Biekiebos, ’n onthaalplek tussen Vereeniging en Meyerton, vereer.
Dié klub is ’n oorhoofse sportklub wat op 29 Junie 1979 gestig is en vandag uit verskeie onderlinge sportklubs soos die Vereeniging Hokkieklub, Vereeniging Ringbalklub, Vereeniging Krieketklub en die Vaal Atletiekklub bestaan. Die klub het volgens Joe Viljoen, president van Vereeniging Sportklub, oor die jare heen talle sportlui en altesaam 186 provinsiale krieketspelers en 64 Suid-Afrikaanse krieketspelers opgelewer, (van wie die beroemde Morkel-broers, Albie en Morné en Tertius Bosch waarskynlik van die bekendstes is).
Dit was op 5 Oktober ook die eerste keer wat al die subseksies waaruit die Vereeniging Sportklub bestaan ’n gesamentlike prysuitdelingsfunksie onder een dak vir al die verskillende sportsoorte gehou het.
Vaalweekblad het die geleentheid bygewoon. Hier is maar ’n paar van die toppresteerders.
PAALTJIEVRAAT: Pieter Venter van Vereeniging Krieketklub is aangewys as die klub se bouler van die jaar. Hy het die afgelope krieketseisoen altesaam 32 paaltjies laat kantel. Foto: Christiaan Cloete
BELOWENDE JONG SPELER: Neeske Driver, ’n belowende jong ringbalspeler van Vereeniging, is as die junior sportvrou van die jaar in ringbal aangewys. Neeske is vanjaar vir die Sedibeng Dames o.23 span gekies, hoewel sy net 13 jaar oud is. Tonette van Greenen is as die senior sportvrou van die jaar in ringbal aangewys. Sy was nie Saterdagaand daar om haar toekenning te ontvang nie.
BLITSIGE BENE: Erica Hamilton, ’n plaaslike atleet, het ’n sertifikaat van verdienstelikheid ontvang vir haar prestasies in landloop, asook padwedlope oor 10km en 21.1km. Sy het in die afgelope paar jaar sedert sy begin hardloop het gereeld die Vaaldriehoek by Suid-Afrikaanse kampioenskappe verteenwoordig en podium posisies behaal. Sy het vanjaar ’n derde plek in die 4km-wedloop vir vroue tussen 60 en 64 by die Suid-Afrikaanse landloopkampioenskapsbyeenkoms in Centurion behaal. Verlede jaar het sy derde by die Suid-Afrikaanse 10 km-kampioenskapsbyeenkoms geëindig en vanjaar derde in haar ouderdomsgroep (60-64) by die Suid-Afrikaanse 21.1km-kampioenskapsbyeenkoms.
MOKERMAN: Ockie Brits van Vereeniging Krieketklub se eerstespan het rede om so breed te glimlag. Hy is Saterdagaand aangewys as Vereeniging Krieketklub se kolwer van die jaar, sowel as die klub se algehele speler van die jaar. Hy het 763 lopies in 22 wedstryde aangeteken en spog met ’n kolfgemiddeld 38.2 lopies per wedstryd.
At Caxton, we employ humans to generate daily fresh news, not AI intervention. Happy reading!
Gugulethu Kgongoane is the Online Editor of Sedibeng Ster. Email: gugu@mooivaal.co.za
She is also an online journalist of Vaalweekblad. Email: gugu@mooivaal.co.za
