VANDERBIJLPARK. – Met skolesport wat eers aanstaande jaar weer toegelaat sal word en kontaksport wat nuwe uitdagings bied kan boogskiet ‘n welkome alternatief bied om kinders aktief te hou. Vaalweekblad het bietjie by die Laerskool Emfulinpark, die mekka van junior boogskiet in die Vaaldriehoek, gaan inloer. 

Sosiale afstand is geen probleem in dié sport nie en onder die wakende oog van SA-skut Jeanine van Kradenburg blom die jong skuts behoorlik. Oefeninge vind Maandae tot Woensdae van 14:30 tot 16:15 plaas.  Diegene wat belangstel om boogskiet as ‘n sport  te neem kontak  Jeanine by  074 965 0552.