Vaal se Ruben verpletter SA-rekord
VANDERBIJLPARK. – Atletiek Vaaldriehoek (AVT) se sending na Atletiek Suid-Afrika se Sub Jeug Interprovinsiale byeenkoms in Germiston was ‘n reuse-sukes. Dié byeenkoms het Saterdag 27 November op die Germiston-stadion plaasgevind en die Valies het die medaljes ingeryg. Die kollig is deur die Vaal se naelloopblits, Ruben Kruger, gesteel wat ‘n nuwe Suid-Afrikaanse rekord in die …
VANDERBIJLPARK. – Atletiek Vaaldriehoek (AVT) se sending na Atletiek Suid-Afrika se Sub Jeug Interprovinsiale byeenkoms in Germiston was ‘n reuse-sukes. Dié byeenkoms het Saterdag 27 November op die Germiston-stadion plaasgevind en die Valies het die medaljes ingeryg. Die kollig is deur die Vaal se naelloopblits, Ruben Kruger, gesteel wat ‘n nuwe Suid-Afrikaanse rekord in die 80m vir s.o/11 in ‘n puik tyd van 9.50s opgestel het.
Die vorige rekord was 10.10s. AVT het in totaal vier goue medaljes (Ruben Kruger (80m s.o/11), Linel Claassens (Hoogspring d.o/13), Taylon van Brenda (200m-hekkies d.o/13 200m-hekkies) en Brandon Mathews (gewigstoot s.o/13) verower. Die AVT-atlete wat silwer- en bronsmedaljes verwerf het, is: Silwer: Taylon van Breda (verspring), Selna van As (800m) en Astrid Fourie (200m). Brons: Atrid Fourie (100m), Miane de Clerq (turbo spiesgooi) en Lynne Heymans (80m).
