VANDERBIJLPARK. – Die Hoërskool Transvalia se atlete gaan weer aanstaande jaar saam met die groot honde blaf. Dit volg nadat hy op die PUK MC Arthur-Stadion die NWU Super Interhër se Groep 3-byeenkoms gewen het.

Transvalia skuif nou op na Groep 1 en 2 maar sal daar moet uithaal en wys. Die Hoërskool Dr. Malan wat afskuif na groep 3 en 4 maak nou plek vir Transvalia.

Die finale puntestand van die NWU Groep 3 Super Interhoër  is: 1. Transvalia (820 punte), 2. Marais Viljoen (679), 3. EG Jansen (661), 4. Wesvalia ( 611), 5. Vorentoe (610), 6. Pietersburg (601), 7. Lichtenburg (563) en 8.  Eldoraigne (529). Die Hoërskool Driehoek het vyfde in Groep 4 geëindig. Die trofees en individuele toekennings wat Transvalia se atlete verwerf het, is:  Beste seuns senior veldatleet: Marco Pretorius (diskus – s.o/19: 947 punte);  Beste Dogters senior baanatleet en Senior Victrix Ludorum:  Marli Dimond (800m d.o/16 – 970 punte en 1 842 totaal); Beste seuns junior veldatleet en Junior Victor Ludorum: Brandon Matthews (s.o/14 gewigstoot: 900 punte en 1 711 punte totaal) en Beste dogter junior veldatleet en Junior Victrix Ludorum: Taylon van Breda (d.o/14 Verspring 984 punte en 1 872 punte totaal).