Goue-vertoning deur AVT
Ettienne van Rensburg SASOLBURG. – Koning Midas is nie die enigste een wat met ‘n goue aanraking spog nie. Hier in ons eie geledere is daar ‘n uitgelese groep jong dames wat alles wat hulle aanraak in goud laat verander. Die dogters o.18, 4x400m (03:54.36) en 4x800m-aflosspanne (09:23.62) van Atletiek Vaaldriehoek (AVT) het dit bewys …
Ettienne van Rensburg
SASOLBURG. – Koning Midas is nie die enigste een wat met ‘n goue aanraking spog nie.
Hier in ons eie geledere is daar ‘n uitgelese groep jong dames wat alles wat hulle aanraak in goud laat verander.
Die dogters o.18, 4x400m (03:54.36) en 4x800m-aflosspanne (09:23.62) van Atletiek Vaaldriehoek (AVT) het dit bewys tydens die eerste ASA Aflos en Gekombineerde Items Kampioenskap wat die naweek op die DP de Villiers-stadion in Sasolburg gehou is.
Dié twee spanne het hulle harte uitgehardloop om goud te verwerf. Marli Dimond van die HS Transvalia en Paballo Radebe is die enigste twee atlete wat twee goue medaljes verwerf het.
“AVT is vreeslik trots op ons atlete. Baie dankie dat julle alles ingesit het,” het Tracy Olivier, voorsitter van AVT baan en veld, op AVT se Facebookblad gesê.
AVT het verder drie silwer (d.o/18: 4x100m, s.o/20: 4x400m en Ruan Claassens: tienkamp) en twee bronsmedaljes (d.o/16: 4x100m en Mary-Amy Oosthuizen: sewekamp) verower.
