VANDERBIJLPARK. – As jy nie Woensdagmiddag met ‘n glimlag op jou gesig by die Laerskool Eligwa se hekke uitgestap het nie, kan jy met goeie reg ‘n suurknol genoem word.

Mini-krieket beskik nou maar net eens vir altyd oor daardie spesiale iets wat mens oneindige binnepret verskaf. Dit is Woensdag 24 Augustus weer onderstreep. Sowat 24 skole het op die Laerskool Eligwa toegesak om hulle kriekettalente uit testal. Die velde en die deelnemers was miskien klein maar die pret was tamaai groot.