VANDERBIJLPARK – Die derde en laaste HYROX-simulasie wat deur CrossFit Forged aangebied word, vind op 14 November by die Vaal Mall winkelsentrum plaas.
HYROX kombineer hardloop met funksionele fiksheidsoefeninge. In die volledige formaat hardloop deelnemers telkens 1 km voordat hulle een van agt oefenstasies voltooi. Dit sluit onder meer sleetrek en -stoot, roei, burpee-spronge, farmer’s carry, sandbaksakke en muurbalgooie in.
’n Simulasie gee deelnemers die geleentheid om die formaat van ’n HYROX-wedren te ervaar en hul fiksheid en uithouvermoë te toets. Die presiese formaat kan egter volgens die organiseerders se program verskil.
Kontak Crossfit Forged op Facebook vir meer inligting.
At Caxton, every story is written by humans. We use AI only to perform quality checks - never to generate the news. Happy reading!
