VANDERBIJLPARK. – Die Ankerskool het onlangs weer bewys dat sy rugby tops is. Die skool se rugbyspelers, afrigters en administrateurs se vernuf en vaardighede is onlangs op verskeie vlakke erken en beloon.

Die skool spog onder meer met twee spelers Jaco Pretorius en Dylan Wytrykowski wat vir die SA LSEN-span gekies is. Quentin Hurter en Andre Snyman is onderskeidelik as afrigter van SA LSEN-span en onder-voorsitter van die SA LSEN gekies.

‘n Verdere vier spelers (Keketso Kekana, Tsebo Maduna, Jaco Jordaan, Tshepo Kutoane, Johan Naude, Jaco Pretorius, Dylan Wytrykowski) is vir die Valkse LSEN-span gekies. Die Ankerskool is ook goed verteenwoordig op die Valke LSEN se Cravenweek bestuur met Quentin Hurter (hoof-afrigter), Andre Snyman (voorsitter), Tiaan Kellerman (hulp-afrigter) en Aldrich Fivaz (spanbestuurder) wat leiding gegee het.