MEYERTON. – Johan de Lange en Steph Thompson is onlangs tydens die Meyerton Rolbalklub se jaarvergadering as die klubkampioene gekroon. Die nuwe bestuur is ook aangewys.

Thompson het vanjaar die volgende titels ingepalm: Dames Ope-Enkels, Dames Voorgee-Enkels, Dames Gekose Pare (saam met Hannetjie Wareham) en Gemengde Pare (saam met Johan de Lange). De Lange was die kampioen in die volgende afdelings: Mans Ope Enkels, Mans Voorgee Enkels, Mans Gekose Pare (saam met Gene Thomas) en Gemengde Pare (saam met Steph). Die klub spog vanjaar met 11 nuwe lede wat by hul nuweling-kompetisies ingeskakel het.