VEREENIGING. – Die Vereeniging Gimnasium se swemmers kan meer as net kop bo water hou.

Dit het Dandré Pretorius bewys. Die stringe medaljes wat hy onlangs tydens die EGA Senior Winter Kampioenskap in Edenvale verower het hang soos ‘n burgemeesterskettings om sy nek.  Hy het twaalf medaljes by die gala verower.

Nog ‘n Gimmie wat laat spaander in die water is Sibongile Makgalemele wat tydens ‘n senior gala kompetisie in Meyerton vroeër vandeesmaand onderskeidelik ‘n goue en silwer medalje in die 100m-vlinderslag en 400m-vryslag verdien het.