VANDERBIJLPARK. – Divan du Toit is tydens die NWU Vaal se rugby jaareindfunksie as die Speler van die Jaar gekroon.

Dit kom as geen verrassing nie aangesien dié 20-jarige losskakel ‘n spogseisoen beleef het.

Hy het nie net sy stempel in die NWU-trui afgedruk nie maar het ook vir die Valke se juniors geskitter. Du Toit is na afloop van die seisoen in verskeie afrigters en unies se visier. Die Pumas se hoofafrigter Jimmy Stonehouse het glo ook belangstelling in die Valie getoon.

Du toit is tans ‘n tweedejaar-rekeningkundestudent aan die Noordwes-Universiteit se Vanderbijlparkkampus en daar word ‘n blink toekoms vir hom voorspel.