VANDERBIJLPARK. – Stefan Blunden, Direkteur van Atletiek van die HS Transvalia in Vanderbijlpark, is Saterdagaand by die Golden Triangle Chamber of Commerce se prysuitdeling as die Vaaldriehoek se Sportambassadeur van die Jaar gekroon.

Blunden het onlangs die Transvalia Atletiekklub (TAC) gestig en is ook betrokke by die NWU Vaal Rugbyklub se kondisionering. Hy het ook sedert hy drie jaar gelede in die Vaaldriehoek aangekom het, diep spore in die plaaslike landloop en atletiekkringe getrap. Sy harde werk is Saterdagaand beloon.