VANDERBIJLPARK. – Die Meyertonner Donjuan van Heerden het vannaand in Durban tydens ESPN Africa Boxing 23 vir Giresse Wingui eenparig met punte (59-56/59-55/59-56) in sy middelgewiggeveg oor 6 rondtes geklop.

Daar word groot dinge vir Donjuan die jonger broer van Chris van Heerden voorspel. Chris is ‘n voormalige IBO Wêreld Weltergewigkampioen en dit is duidelik dat boks in die familie se bloed is. Sy ander broer Danie is ook ‘n voormalige EFC swaargewig hokvegkampioen.

Deedee soos sy vriende hom ken, is een van 13 kinders en hy volg in sy ontslape pa se voetspore wat op sy dag ook ‘n goeie swaargewigbokser was.