VANDERBIJLPARK. – ‘n Dubbeldoor bederf. Dit is wat die Vaal se langasems die naweek by die HS Driehoek geniet het.
Die Light 2 Nite 80 km-baanwedloop asook die ISO SHERQ Ulitimate Hennie van Rensburg 100-myler het skouer teen skouer plaasgevind.
Die Hoekies Atletiekklub se juniorspan het saam met die ander spanne douvoordag weggespring en teen 18:00 die 1 km-roete 169 keer voltooi om as die 2023 Lite to Night algehele wenners gekroon te word.
In die mans-afdeling het Andrey Kharatyan en Serake Mofokeng met 84 km elk gesamentlik eerste geëindig, gevolg deur Pule Mokoena (82 km). Andrey het egter eerste sy 84ste rondte voltooi. Die vroue-afdeling is deur Florence Molawa (73 km) gewen. Sy was die enigste vrou wat die individuele kompetisie aangedurf het.
Die 100 myler is deur Tobie Reyeneke gewen wat 161 km afgelê het. Die vroue-afdeling is deur Yolandi Rodriques gewen wat 101 km voltooi het.
