VANDERBIJLPARK. – Die Vaaldriehoek het al verskeie nasionale en internasionale sportsterre in rugby, atletiek, krieket, boks en hokkie opgelewer.

Merlise Kock, ‘n oud-leerling aan die HS Transvalia, is ook besig om haar stempel op die sportwêreld af te druk. Sy is onlangs vir die Suid-Afrikaanse Vyf-aan -ʼn-kant hokkiespan se Wêreldbeker-oefengroep vir 2024 gekies. Die toernooi vind van 24 Januarie tot 27 Januarie 2024 in Muscat, Oman plaas.