VANDERBIJLPARK. – Die 18-jarige Vaaldriehoeker Rico Fourie wat onlangs ‘n borgskap van Gray Nicolls Suid-Afrika gekry het, is besig om die wêreld aandie brand te kolf.

Hy is tans die voorste lopiemaker in die SA Platteland Uitnodiging Krieketweek wat tans in die Vaaldriehoek plaasvind.

Hy het as kaptein en kolwer van die Protea UItnodiging o.18-span 106 en 94 lopies in sy span se eerste twee wedstryde gemoker. Sy spanmaat Duncan Cronje is die voorste paaltjievraat en het 8 paaltjies in 14 beurte platgetrek en slegs 40 lopies in die twee wedstryde afgestaan.

Die volgende kragmetings sal T20-formaat wees om die spelers se vernuf in die blitsweergawe van die spel met rooibal te toets.