VANDERBIJLPARK – Die hele land hou duimvas dat die Springbok en Bulls losvoorspeleR, Elrigh Louw spoedig van sy been-operasie herstel.

Elrigh het Saterdag 25 Januarie op Ellispark ‘n ernstige beenbesering teen die Lions in hul Verenigde Rugby kragmeting opgedoen. Hoewel die Bulls met 35-22 gewen het, het hulle ‘n duur prys vir die sege betaal.

Benewens Elrigh se ernstige besering het die Bulls se kaptein Ruan Nortje ook die veld met ‘n kniebesering verlaat.

*Elrigh is ‘n oud-leerling aan die HS Transvalia in Vanderbijlpark en die gemeenskap wens hom alles sterkte toe vir ‘n spoedige herstel.