VANDERBIJLPARK – Dit wil voorkom asof 2026 die gebore en getoë Vaaldriehoeker, Marione Fourie se jaar gaan wees.

Die oud-leerling aan die HS Driehoek wie ook tans die Suid-Afrikaanse 100m vroue- hekkieskampioen is, het vroeër vandeesweek in Potchefstroom tydens die Hezekiel Sepeng Uitnodiging byeenkoms die wêreld se vinnigste tyd vir 2026 opgestel.

Sy het senior vroue-wedloop in ‘n skitterende tyd van 12.67 s gewen gevolg deur Martelize Jordaan (13.58) en Megan Maree (13.61).