VANDERBIJLPARK – Die Vaaldriehoek se Evageslag het by die ASA Senior Baan en Veld Atletiekkampioenskap in Stellenbosch die streek breëbors verteenwoordig.

Hoewel die oud- Vaaldriehoekers Marione Fourie en Joviale Mbisha nou vir ander provinsies hardloop, is hulle gebore en getoë Vaaldriehoekers.

Marione, ‘n oud-leerling aan die HS Driehoek, het die 100m hekkies in ‘n spogtyd van 12.69s in die kleure van Gauteng Noord afgeblits om nog ‘n SA-titel op Coetzenburg-stadion te wen.

Tumi Ramokgopa (13.13s) was tweede gevolg deur Megan Nieman (13.39s).

Joviale ‘n oud-leerling aan die HS Sasolburg het ook haar nasionale 100m-titel verdedig toe sy die afstand in 11.55’s gewen het.